Sentaybrın 20-i saat 06 radələrində 2005-ci il təvəllüdlü Həsən Novruzovun aldığı xəsarətdən xəstəxanada ölməsi barədə şəhər  prokurorluğuna məlumat daxil olub.

"Unikal" xəbər verir ki, Gəncə şəhər prokurorluğu məlumat yayıb.

Bildirilib ki, aparılmış araşdırmalarla zərərçəkmişin tanışı, 1984-cü il təvəllüdlü Azər Mövsümovun sentyabrın 19-u saat 23 radələrində küçədə şəxsi münasibətlər zəminində aralarında yaranmış mübahisə zamanı bıçaqla Həsən Novruzova xəsarət yetirməsi nəticəsində sonuncunun almış olduğu xəsarətdən xəstəxanada ölməsinə əsaslı şübhələr müəyyən edilib.

Faktla bağlı Gəncə şəhər prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.

Azər Mövsümov şübhəli şəxs qismində tutularaq istintaqa cəlb edilib.

İş üzrə zəruri istintaq hərəkətləri davam etdirilir.

***

00:25

Gəncədə bıçaqlanma hadisəsi baş verib.

"Unikal"ın məlumatına gorə, 2005-ci il təvəllüdlü Novruzov Həsən  bıçaqlanma diaqnozu ilə xəstəxanaya yerləşdirilib, xəstə dərhal əməliyyat edilib. Həyata keçirilən tədbirlərə baxmayaraq o vəfat edib.

 Hadisənin baş vermə səbəbləri araşdırılır.

Tural Əhmədov