Yalnız yumurta və sitrus meyvələri yemək orqanizmi lazım olan bütün qidalarla təmin etmir və uzunmüddətli sağlamlıq problemlərinə səbəb olur.
"Unikal" xəbər verir ki, bu barədə “Healthnews”a (HN) britaniyalı dietoloqlar Kayl Krouli və Dahlia Beydoun bildiriblər.
Yumurta və portağal pəhrizi arıqlamaq üçün "təhlükəsiz" üsul kimi sosial mediada populyarlıq qazanır, qidalanma mütəxəssisləri aşkar ediblər. Güman edilir ki, bu iki məhsulun birləşməsi yumurtanın yüksək qida dəyərinə görə orqanizmdə vitamin və mineral çatışmazlığına səbəb olmur.
Yumurta sarısı A, D, E, K, B1, B2, B5, B6, B9 və B12 vitaminləri ilə zəngindir, ağda isə B3 və B8 vitaminləri çoxdur. Yumurtada əskik olan yeganə vacib qida komponenti C vitaminidir. Mono-pəhriz tərəfdarları bu çatışmazlığın pəhrizə portağal daxil etməklə kompensasiya oluna biləcəyini iddia edirlər.
Dietoloq Krouli qeyd edib ki, portağal və yumurtanın özünün sağlamlıq üçün çoxlu faydaları var. Bununla birlikdə, balanslaşdırılmış bir pəhrizə tabe olaraq özlərini tam şəkildə göstərirlər. Fakt budur ki, bəzi vitaminlər (məsələn, A, D və E) yağda həll olunur. Pəhrizdə balıq, qoz-fındıq və dəniz məhsulları yoxdursa, onlar zəif əmilir. Bundan əlavə, kifayət qədər vitamin B6 almaq üçün gündə təxminən 20 yumurta yemək lazımdır.
"Pəhrizinizi yumurta və portağal kimi bir neçə qida ilə məhdudlaşdırmaq, qida çatışmazlığına və uzunmüddətli sağlamlıq problemlərinə səbəb ola bilər", - diyetoloqlar bildiriblər. Bir məhsula əsaslanan digər pəhrizlər - qarabaşaq yarması, kəsmik, tərəvəz, düyü - oxşar təhlükə yarada bilər.
Gülayə Mecid
