Ötən gecə Kürdəmirə yağan leysan yağışdan sonra bəzi fəsadlar ortaya çıxıb.

"Unikal" AZƏRTAC-a istinadən xəbər verir ki, gecə saatlarında aramsız davam edən güclü yağış bir neçə küçə və prospektdə avtomobillərin hərəkətində çətinlik yaradıb. Rayonun Çölərəb kəndində sakinlərə məxsus meyvə bağlarını, həmçinin həyətləri, evləri, yardımçı tikililəri, tövlələri yağış suları basıb. Yerli sakinlər çətinliyin aradan qaldırılması və gələcəkdə bu cür problemlərin ortaya çıxmaması üçün çıxış yolunu kənd ərazisində mövcud kanalların yenidən qazılmasında və təmizlənməsində görürlər.

Müvafiq qurumdan bildirilib ki, sabah günün birinci yarısı kəndə ağır texnika və işçi qüvvəsi göndəriləcək, qrunt sularının axıdılması üçün drenaj şəbəkələr təmizlənəcək, bununla da problem öz həllini tapacaq.