Almaniyada 19-cu əsrə aid zavod 1 avroya satılır.

"Unikal" xəbər verir ki, hökumət orqanlarının hərraca çıxardığı nəhəng zavod Maqdeburqun şimalında, Saksoniya-Anhalt əyalətində yerləşir. Burada, Tangerhüttedə, 1842-ci ildə dəmir filizi yataqları kəşf edilib və zavod vurulub. Bu, sadə kənd təsərrüfatı kəndini tez bir zamanda qlobal sənaye mərkəzinə çevirib.

Tangerhüttenin 1500-dən çox sakini 19-cu əsrin sonlarında Almaniyanın iqtisadi bumu dövründə böyük tələbat olan məhsullar istehsal edirdi: küçə lampaları, spiral pilləkənlər, vannalar və hətta bütün çay pavilyonları. Məhsullar, həmçinin, Yaponiya, Misir və Argentina kimi ölkələrə ixrac edilirdi və zavod tez bir zamanda dünya miqyasında şöhrət qazanmışdı. Lakin ADR-in süqutundan sonra bu sənaye ikonası tərk edilmiş bir xarabalığa çevrilib.

Şəhər rəsmiləri ərazini satmağa can atırlar, buna görə də minimum qiymət cəmi 1 avrodur. Ərizə 30 sentyabr tarixinə qədər təqdim edilməlidir və yeni sahibi xeyli iş görəcək. Şərtlərə əsasən, alıcı memarlıq abidəsi kimi təyin olunmuş fasadların möhkəmləndirilməsi və onların uzunmüddətli qorunması üçün dərhal tədbirlər görməyi öhdəsinə götürür.