Sabirabad Perinatal Mərkəzində baş verən ana ölümü gələn həftə araşdırılacaq.

Unikal.org xəbər verir ki, Doğuşa Yardım Komissiyasının və Perinatal Mərkəzin rəhbəri Sevinc Məmmədova azvision.az-a açıqlamasında bildirib ki, ana ölümü dünən gecə 11-in yarısı olub.

"Bu gün şənbə günüdür və xəstənin xəstəlik kağızı birinci gün bizə gələcək. Bir həftə ərzində xəstənin ölüm səbəbi təftiş olunub, ciddi araşdırılacaq. Ondan sonra ictimaiyyətə bu haqda rəsmi məlumat verə bilərik. Yoxlanmamış məlumatlar əsasında danışa bilmərik".

Qeyd edək ki, ötən gün Sabirabad Rayon Perinatal Mərkəzində ana ölümü qeydə alınıb. Ucar rayonu Alpout kənd sakini, 1980-ci il təvəllüdlü Seyfəliyeva Familə Aydın qızı 4 gün əvvəl ağır vəziyyətdə qarnında ölü döl ilə mərkəzə daxil olub. Ananın bətnində olan ölü döl qeysəriyyə əməliyyatı ilə götürülüb. Lakin səhhətində baş verən ağırlaşmadan sonra ana 4 gün sonra, avqustun 5-də axşam saatlarında dünyasını dəyişib.

Qeyd edək ki, Sabirabadda hamilə qadın qeysəriyyə əməliyyatından 4 gün sonra dünyasını dəyişib.

Hadisə ötən gün saat 22.00 radələrində Sabirabad rayon Perinatal Mərkəzində qeydə alınıb.
Ucar rayonu Alpout kənd sakini, 1980-ci il təvəllüdlü Seyfəliyeva Familə Aydın qızı 4 gün əvvəl ağır vəziyyətdə qarnında ölü döl ilə mərkəzə daxil olub. Ananın bətnində olan ölü döl qeysəriyyə əməliyyatı ilə götürülüb. Lakin səhhətində baş verən ağırlaşmadan sonra ana 4 gün sonra, avqustun 5-də axşam saatlarında dünyasını dəyişib.
Meyit müayinə olunmaq üçün Sabirabad Məhkəmə Tibbi ekspertiza və Pataloji Anatomiya mərkəzinə verilib. Ölümün səbəbi ekspertizanın rəyindən sonra açıqlanacaq.
Faktla bağlı araşdırma aparılır.