Ukrayna Xarici İşlər Nazirliyi İran səfirinin akkreditasiyasını ləğv edib və səfirlik işçilərinin sayını əhəmiyyətli dərəcədə azaldıb.
“Unikal” xəbər verir ki, bu barədə Ukrayna Xarici İşlər Nazirliyinin bəyanatında deyilir.

“Ukrayna prezidentinin Rusiya qoşunlarının Ukrayna ərazisində İran istehsalı olan silahlardan istifadə etməsi faktlarına cavab vermək üçün təcili tədbirlər görmək barədə göstərişinə uyğun olaraq, sentyabrın 23-də İslam Respublikasının müvəqqəti işlər vəkili Ukraynadakı İran Respublikası Ukrayna Xarici İşlər Nazirliyinə çağırılıb”, - nazirlik qeyd edib.

İran tərəfinə bildirilib ki, Rusiya qoşunları tərəfindən Ukraynanın mülki əhalisinə və Müdafiə Qüvvələrinə qarşı sonrakı istifadə üçün Rusiyaya İran silahlarının tədarükü Ukraynanın açıq şəkildə bəyan etdiyi neytrallıq, Ukraynanın suverenliyinə və ərazi bütövlüyünə hörmət mövqeyinə birbaşa ziddir. 

"Ukraynaya qarşı müharibə aparmaq üçün Rusiya silahlarının tədarükü Ukrayna və İran arasında münasibətlərə ciddi zərbə vuran qeyri-dost hərəkətdir", - bəyanatda vurğulanıb.
Xarici İşlər Nazirliyindən bildirilib ki, Ukrayna tərəfi bu cür qeyri-dost hərəkətə cavab olaraq İranın Ukraynadakı səfirini akkreditasiyadan məhrum etmək, həmçinin İranın Kiyevdəki səfirliyinin diplomatik işçilərinin sayını əhəmiyyətli dərəcədə azaltmaq qərarına gəlib.

Ramil Zeynalli