Bugünədək İranda keçirilən etiraz aksiyalarında 35 vətəndaş və polis əməkdaşı ölüb.

"Unikal" xəbər verir ki, bu barədə İranın Dövlət Televiziyası məlumat yayıb.

İranlı qadın Məhsa Əmininin ölümü ilə əlaqədar etiraz aksiyalarında çoxlu sayda yaralının olduğu bildirilir.

Qeyd edək ki, 16 sentyabrda Tehranda 22 yaşlı Məhsa Əmininin Tehranın əxlaq polisi əməkdaşları tərəfindən öldürülməsinə etiraz olaraq 19 sentyabrdan etibarən İranın bir neçə şəhərində aksiyalar keçirilib. O, şəriət normalarına riayət olunmasına nəzarət edən əxlaq polisinin xüsusi dəstəsi tərəfindən saxlanılıb. Gənc qız İran qanunlarına əsasən hicaba düzgün riayət etməməkdə ittiham edilib.