Ucarda keçirilən toy məclisində bıçaqlanma baş verib.

"Unikal" apa-ya istinadən xəbər verir ki,  hadisə şadlıq saraylarından birində baş verib.
Toy məclisinin 2 iştirakçısı arasında baş vermiş mübahisə qanla nəticələnib.

Nəticədə rayon sakini, 1983-ci il təvəllüdlü Seymur Soltanəli oğlu İsmayılov bıçaqlanıb.

Yaralı təcili olaraq Ucar Mərkəzi Rayon Xəstəxanasına yerləşdirilib.

Hadisəni törədən şəxsin tutulması istiqamətində polis əməkdaşları tərəfindən zəruri tədbirlər görülür.