Kiyevin Şevçenkovski məhkəməsi iş adamı və milyarder İqor Kolomoyskini girov müqabilində 60 gün müddətinə həbs edib.

"Unikal" Ukrayna KİV-nə istinadən xəbər verir ki, məhkəmə qərarına əsasən, təqsirləndirilən şəxs üçün girovun məbləği 509 milyon qrivna (1,3 milyard rus rublundan çox) təşkil edir. Kolomoyski girovu ödəməkdən imtina edib. 

İş adamı oktyabrın 31-dək həbsdə qalacaq.

Qeyd edək ki, milyarder qanunsuz yolla əldə edilmiş əmlakı leqallaşdırmaqda ittiham edilir.