“Göstərilən çoxşaxəli dövlət dəstəyi tədbirləri nəticəsində aqrar sahədə davamlı inkişafı təmin edilib”.

"Unikal" xəbər verir ki, bunu Kənd Təsərrüfatı Nazirliyinin Aparat rəhbəri Azad Cəfərli “Fındıq potensialının artırılması: məhsuldarlıq, keyfiyyət və ixrac həcminin artırılmasına innovativ yanaşmalar” mövzusunda keçirilən beynəlxalq konfransda deyib.

“Müsbət inkişaf dinamikası 2022-ci ildə olduğu kimi 2023-cü ildə də davam edir. Cari ilin yanvar-sentyabr ayları ərzində kənd təsərrüfatı məhsullarının ümumi istehsal həcmi 9 milyard 996.9 milyon manat olub. Bunun da 5 milyard 457.3 milyon manatı bitkiçilik, 4 milyard 539.6 milyon manatı heyvandarlıq məhsulları istehsalıdır. Kənd təsərrüfatı bitkiləri içərisində fındıqçılıq mühüm yerlərdən birini tutur. İxrac həcminə görə qərzəkli meyvələr üzrə birinci yerdədir. Ötən il fındıq ixracından ölkəyə 110 milyon 643 min ABŞ dolları dəyərində valyuta daxil olub”.