Azərbaycan millisinin baş məşqçisi vəzifəsinə namizəd göstərilən mütəxəssislərdən biri olan Stanislav Çerçesov məsələ ilə bağlı sualları cavablandırıb.

"Unikal" xəbər verir ki, bu barədə o, Rusiyanın "MK.Sport" nəşrinə müsahibəsində bildirib.

Çerçesov qeyd edib ki, hələlik rəsmi danışıqlar olmasa da, Azərbaycanda işləməyə müsbət yanaşır: "Bəli, doğrudan da, belə məlumatlar var. Amma hələlik məsələ rəsmi danışıqlara çatmayıb. Mən belə şeylərə ciddi yanaşıram, çünki Azərbaycan zəngin futbol ənənələri olan ölkədir. Onların millisi ilə ən çətin vəzifənin öhdəsindən gəlmək olar. Üstəlik, Azərbaycan prezidenti İlham Əliyev təkcə futbolu deyil, bütün peşəkar və kütləvi idmanı dəstəkləyir. Onun xanımı Mehriban Əliyeva (Azərbaycan Respublikasının Birinci vitse-prezidenti -red.) da idman layihələrinə, müxtəlif idman növləri üzrə federasiyaların inkişafına böyük diqqət yetirir. Avropa Liqasının finalının Bakıda keçirilməsinin özü çox şey deyir. AFFA bu yaxınlarda Rövşən Nəcəfə tapşırılıb. O, doğru qərarlar verməsi üçün zamana ehtiyacı olan gənc və iddialı liderdir".