Bir neçə gün əvvəl keysəriyyə əməliyyatından sonra övladını itirən aparıcı Çinarə Əliyeva açıqlama yayıb.
"Unikal" xəbər verir ki, bu barədə aparıcı sosial şəbəkə hesabında məlumat verib.
Bildirib ki, çox çətin anlar yaşayır: "Bilirəm bu da keçəcək. 28-ci həftədən biz bu xəbəri bilirdik. Amma şansımız var deyirdik. Doplerdə görünəndə artıq gec idi. Mən də dedim ki uşaq qalsın. Əməliyyat edək. Bəlkə 5% şansı olar yaşamağa. Yenə də hər şey allahın əlindədir. Demək ki, belə olmalı imiş. Azərbaycanın ən savadlı həkimlərini gəzmişik. Hamı eyni şeyi deyirdi. Amma məni başa düşən düşər. Bir ana kimi sona qədər övladımı xilas edib əməliyyata girdim. Klinkada bütün kollektiv hamsı bizə yardım etməyə çalışdı. Bu günləri unutmaram. Bir onu deyim ki, mən indi əziyyət çəkirəm. İnşallah ki, Allah mənə bir daha ana olmağı nəsib edər. Buna çox inanıram. Allah heç bir zaman məni darda qoymayəb. Heç kimi qınamayaq. İlk növbədə hər dəqiqə yanımda olan həyat yoldaşım və anama təşəkkür edirəm. Biz çox böyük sınaqdan keçdik. Sebir sebir!" deyə bildirib.
Qeyd edək ki, Çinarə Əliyeva plastik cərrah Ruslan Rəsul ilə evlidir. İyunun 7-si uşaq keysəriyyə əməliyyatı ilə doğuldu. Ancaq onun sağ ciyəri inkişafdan qaldığı üçün dünyasını dəyişib.
