"Atletiko" (Madrid) Xulian Alvaresin keçidini açıqlayıb.

"Unikal" xəbər verir ki, argentinalı futbolçu ilə 6 illik müqavilə imzalanıb.

Madrid klubu bu transferə görə "Mançester Siti"yə 75 milyon avro ödəyib. "Atletiko" daha 20 milyon avro bonus şəklində ödəniş edəcək.

Qeyd edək ki, 24 yaşlı forvard ötən mövsümdə bütün turnirlərdə 54 oyunda meydana çıxıb. O, 19 qol vurub, 13 ötürmə verib.