"Xalqların bərabərliyi prinsipi ermənilərin səlahiyyətlərinin yarısından imtinası deməkdir"
"Xalqların bərabərliyi prinsipi ermənilərin
səlahiyyətlərinin yarısından imtinası deməkdir"

Uydurma tarix, miflər "erməni" adına iddia edən xalqın həmişə ən böyük bəlası olub. Bunu Siyasi İnnovasiya və Texnologiyalar Mərkəzinin direktoru, politoloq Mübariz Əhmədoğlu deyib.

Politoloq qeyd edib ki, əlbəttə, bu miflərin yaranma şəraiti də olur: "Ermənilər eynilə həmin xarakteri ilə bütün imperiyaların tərkibində əvvəlcə çox böyük mövqe qazanıb, sonradan isə eyni keyfiyyətlərinə görə döyülüb, qovulublar. Sasani və Osmalı imperiyalarında ermənilərin inkişaf "qrafiki" bunu deməyə əsas verir. Digər misallar da göstərmək mümkündür".
Əhmədoğlu vurğulayıb ki, indiki dövrdə ermənilər özlərini inandırmışlar ki, bütün dünya ictimaiyyəti Dağlıq Qarabağ məsələsində onları dəstəkləyir: "Ermənistan prezidenti Serj Sarkisyan 3-4 ildən sonra Azərbaycanın çökəcəyi ilə bağlı dəqiq "proqnozlar" səsləndirir və erməni xalqı inanır. Həmin Sarkisyan və ermənilər 3-4 aydan sonra erməni dövlətinin olub-olmayacağını isə proqnozlaşdıra bilmirlər.
Əhmədoğlu qeyd edib ki, rəsmi Yerevan "Madrid Prinsipləri" və "Yenilənmiş Madrid Prinsipləri"ni dəyişik salmaqla, inanır ki, münaqişə 2007-ci ilin prinsipləri ilə həll olunacaq.
Politoloqun fikrincə, Helsinki Yekun Aktının (HYA) məlum üç prinsipinin Dağlıq Qarabağ tənzimlənməsinə dair sənədlərdə yazılmış ardıcılığını dəyişməklə Ermənistan rəsmiləri ümid edirlər ki, əvvəlcə Dağlıq Qarabağ ermənilərinə status veriləcək, sonra isə Azərbaycanın ərazi bütövlüyü təmin olunacaqdır. Bu ardıcıllıq 2009-cu ilin sənədlərindən üzübəri aşağıdakı qaydada yerləşdirilib: "Güc tətbiq etməmək və güc tətbiqi ilə hədələməmək. Bu, HYA-nın ikinci prinsipidir; ərazi bütövlüyü prinsipi. Bu, HYA-nın dördüncü prinsipidir; xalqların bərabərliyi və xalqların öz müqqədəratını təyinetmə prinsipi. Bu, HYA-nın səkkizinci prinsipidir".
Əhmədoğlu qeyd edib ki, yaxınlarda ATƏT MQ həmsədr ölkə prezidentləri Dağlıq Qarabağ tənzimlənməsinə dair mötəbər bəyanat qəbul etdilər. Politoloqun fikrincə, Dağlıq Qarabağ münaqişəsinin tənzimlənməsində istinad nöqtəsi kimi son dörd il, yəni 2009-cu ildən etibarən başlanan proseslər götürülür: "Bu bəyanatda müharibənin başlayacağı təqdirdə ermənilərin görəcəkləri cəhənnəmi tam təsvir ediblər. Ermənilər bəyanatın orijinalına baxsalar, bunu görəcəklər. Azərbaycanın ehtimali 30 faiz dağıntıya məruz qalmasının müqabilində ermənilər bu regiondan tamam itəcəklər. Azərbaycan itirdiklərini bərpa edəcək, region isə daha bir pislikdən təmizlənməklə böyük xoşbəxtlik əldə edəcəkdir. Lakin bu sənəddə bir məsələ daha çox diqqəti çəkir. Ermənilər 2009-cu ildən bəri işlənən "xalqların bərabərliyi və xalqların öz müqəddəratını təyinetmə" tezisini sanki ilk dəfə görürlər".
Əhmədoğlu qeyd edib ki, ermənilərin fikrincə, millətlərin "öz müqəddəratını təyinetmə" prinsipinin belə dəyişikliyə uğraması ermənilərin xeyrinədir: "Əvvəla, HYA-nın həmin prinsipinə baxsalar, ermənilər görərlər ki, "xalqların bərabərliyi və xalqların öz müqəddəratının təyinetməsi" maddəsi iki hissədən ibarətdir. Maddənin birinci hissəsi dövlətin ərazi bütövlüyünü qorumağa yönəlib; ikinci hissə isə "xaqların öz müqqədəratlarını təyinetməsi" haqqındadır. Beləliklə, "xalqların bərabərliyi və xalqların öz müqəddəratlarını təyinetmələri" prinsipləri bir-biri ilə ziddiyyət təşkil edən iki hissədən ibarətdir".
Əhmədoğlu qeyd edib ki, ümumilikdə HYA-nın Qarabağ münaqişəsinə tətbiq olunan üç maddəsi "ərazi bütövlüyü prinsipinin" prioritetliyini əsaslandırır, amma erməni düşüncəsinin başqa tərəfi də maraqlıdır.
Politoloqun fikrincə, "Xalqların bərabərliyi və xalqların öz müqəddəratını təyinetmə" prinsipi Dağlıq Qarabağın statusunu təyin etmək üçündür: "Hamıya bəllidir ki, tənzimləmə sənədlərində aydın göstərilib ki, Dağlıq Qarabağın statusunu Dağlıq Qarabağın erməniləri deyil, Dağlıq Qarabağın əhalisi müəyyən edəcəkdir. Dağlıq Qarabağın əhalisi dedikdə, Dağlıq Qarabağda yaşayan ermənilərlə, Dağlıq Qarabağda yaşamış azərbaycanlıların birgə məcmusu nəzərdə tutulur".
Əhmədoğlu deyib ki, erməni düşüncəsinin əcaibliyi orasındadır ki, statusun müəyyən olunmasında xalqların bərabərliyini öz xeyirlərinə başa düşürlər: "Bir az da sadələşdirək: tənzimlənmə sənədləri və prinsiplərinə görə, Dağlıq Qarabağın statusunun müəyyən olunmasının 50 faizi və ya yarısı Dağlıq Qarabağ ermənilərinə məxsusdur, çünki "xalqların bərabərliyi" termini azərbaycanlıları və erməniləri statusun müəyyən olunmasında bərabər tutur; qalan 50 faizi isə ermənilərə məxsus olmayacaqdır. Bu 50 faizin Azərbaycan dövlətinə, Azərbaycan xalqına və ya Dağlıq Qarabağ azərbaycanlılarına aid olmasının ermənilər üçün fərqi varsa, biz o fərqi nəzərə alarıq; təki Dağlıq Qarabağın statusunun müəyyən olunmasının yarısından özləri könüllü şəkildə imtina etsinlər. Belə olacaqsa, Azərbaycan xalqı və ya dövləti həmin səlahiyyəti, yəni Dağlıq Qarabağın statusunun müəyyən olunmasının 50 faizlik payını Dağlıq Qarabağ azərbaycanlılarına hədiyyə edəcəkdir".
Fuad Əliyev