Hazırda Los-Anceles qraflığında meşə yanğınları nəticəsində 13 nəfər itkin düşüb.

"Unikal" xəbər verir ki, bu barədə Los-Anceles şerifi Robert Luna bildirib. 

O, itkin düşənlərin hamısının yanğınlarla əlaqəli olub-olmamasının hələlik aydın olmadığını deyib: "40 nəfərdən ibarət axtarış-xilasetmə qrupunu itkinləri axtaracaq və bunun yalnız bu gün səhər saatlarında davam etdirəcək". 

Məlumatlara görə, Los-Ancelesdə baş verən yanğınların qurbanlarının sayı ən azı 11 nəfərdir.

55 mindən çox insan Los-Ancelesin meri Karen Bassın istefasını tələb edən petisiyanı imzalayıb. O, şəhəri bürümüş yanğınlarla bağlı suallara cavab verə bilməməkdə günahlandırılıb.

Ağarza Elçinoğlu