Rusiyanın daha bir regionunda xarici vətəndaşların taksidə işləməsi qadağan edilib.

"Unikal" Rusiya mediasına istinadən xəbər verir ki, yeni qanun bu ilin yazının sonunda qüvvəyə minəcək və Kamçatkada patentlə işləyən əcnəbilərə şamil ediləcək.

Bu barədə Kamçatka diyarının qubernatoru Vladimir Solodov sosial şəbəkələrdə yazıb.

“Təəssüf ki, rayonda müxtəlif cinayətlər törədən qeyri-qanuni miqrantlar çox vaxt taksilərdə işləyirlər. İnanıram ki, görülən tədbir və ümumilikdə miqrasiya siyasətinin sərtləşdirilməsi sərnişin taksisi ilə sərnişindaşıma bazarını daha təhlükəsiz edəcək”, - deyə o qeyd edib. 

Nuranə Abbasova