Diametri təxminən 10 metr olan 2016 RB1 asteroidi sentyabrın 7-də Yerdən 38500 km məsafədə keçib ( Yerlə Ayın arasında olan məsafədən 10 dəfə az - red.).

Unikal.org oxu.az-a istinadən xəbər verir ki, NASA alimləri səma cismini yalnız sentyabrın 5-də aşkarlayıblar.

Asteroid planetimizin orbitində, 36000 km yüksəklikdə dövrə vuran ABŞ peyklərindən çox yaxın məsafədə keçib. Səma cismini Arizona ştatı universitetinin teleskopu vasitəsi ilə izləyiblər.

Alimlər bildirirlər ki, əgər asteroid Yerə çırpılsaydı, bu zaman planetimizə ciddə zərər dəyməyəcəkdi. Müqayisə üçün bildirək ki, 2013-cü ildə Çelyabinskə düşən asteroidin diametri 17 metr idi. Həmin hadisə zaman 1600 nəfər xəsarət almışdı.