Dünən Bakının Sabunçu rayonunda iki nəfər tərəfindən törədilmiş zorlama hadisəsi qeydə alınıb.

Unikal.org xəbər verir ki, bu barədə sputnik-ə rayon polis idarəsindən bildiriblər.

42 saylı Polis İdarəsinə Maştağa qəsəbəsinin sakini, 24 yaşlı V.A. (ad etik normalara və istintaqın marağından açıqlanmır) müraciət edib.

V.A. bildirib ki, sentyabrın 19-da, saat 18:00-da öz evində iki nəfər tərəfindən zorlanıb, onlardan birinin adı Siyavuşdur.

Aparılan əməliyyat-istintaq tədbirləri nəticəsində 42-ci bölmənin əməkdaşları keçən gecə Maştağa qəsəbəsinin sakinləri Xəyyam Ağayev (2000-ci il təvəllüdlü) və Siyavuş Ağayev (2001-ci il təvəllüdlü) saxlanılıb.

"Onlar zərərçəkənlə yaxınlıqda yaşayırlar. Qohum deyillər, sadəcə, soyadları eynidir. İlkin dindirilmə zamanı günahlarını etiraf etdilər. İşin materialları prokurorluğa verilib", - polisdən qeyd ediblər. Saxlanılan şəxslər polis bölməsində törətdikləri əməl ilə əlaqədar maraqlı açıqlama veriblər.

Onlar cinayəti qızın kənddə yüngültəbiətli olduğuna dair söz-söhbətin gəzdiyi üçün törədiblər. Belə ki, onlar bu cür şəxslə cinsi əlaqəyə girdiklərinə görə cəzalandırılmayacaqlarını düşünüblər. İstintaq tərəfindən onların zərərçəkənin digər ailə üzvlərinin evdə olmadığını bildikdən sonra evə gəldikləri müəyynələşdirilib.

Qrup şəklində təcavüz hadisəsinə dair cinayət işi qaldırılıb, cinayətin təfərrüatları araşdırılır.