Bakıda Su İdmanı Sarayı tikiləcək
Azərbaycan Respublikasının Prezidenti İlham Əliyev Bakı şəhərində Su İdmanı Sarayının tikintisi haqqında sərəncam verib.
Sərəncamda qeyd edilir ki, Su İdmanı Sarayının layihələndirilməsi və tikintisi üçün Azərbaycan Respublikasının 2012-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikasının Gənclər və İdman Nazirliyinə ilkin olaraq 5,0 (beş) milyon manat ayrılsın.
Maliyyə Nazirliyinə nəzərdə tutulan məbləğdə maliyyələşməni müəyyən olunmuş qaydada təmin etmək, Nazirlər Kabinetinə bu sərəncamdan irəli gələn digər məsələləri həll etmək tapşırılıb.
.jpg)
