"Azərboru" Əzim Əzimovdan əlinda
"Azərboru" Əzim Əzimovdan əlinda
Tanınmış səhmdar cəmiyyət müəmmalı şəkildə "Baku Steel Company"nin nəzarətinə keçdi

"Azərboru" ASC "Baku Steel Company" (BSC) poladəritmə zavodunun nəzarətinə keçib. SC-nin İdarə Heyətinin sədri Əzim Əzimov vəzifədən azad edilib. Onu Həsən Muradov əvəz edib. Buna qədər Muradov BSC-də rəhbər vəzifə tutub.

"Azərboru"dakı mənbə bildirib ki, hazırda əsas vəsaitlərin inventarlaşdırılması gedir. Müəssisədə Sumqayıt boru-prokat zavodunun səhm nəzarət paketinin sahibləri barədə məlumat yoxdur. 2006-cı ildə Britaniyanın "Targol İnvestment" şirkəti "Azərboru" ASC-nin səhmlərinin 97%-dən məhrum olub. Onlar yenidən dövlətə keçib. O vaxtda yeni investisiya müsabiəqsi keçirilməyib. İstisna olunmur ki, "Azərboru" ASC-nin səhmləri BSC-yə başqa formada keçib.
Xatırladaq ki, "Baku Steel Company" MMC-nin sahibləri məxfi saxlanılır. 1998-ci ildə müəssisə "Bakelektroqaynaq"ı özəlləşdirib. Şirkət həmçinin "Baku Oxygen Company" ASC və"Azərtəkrarqarametal"a nəzarət edir. Bu il yerli KİV BSC tərəfindən Bakıda bir neçə maşınqayırma və metallurgiya müəssisəsinin ələ keçirilməsi barədə dəfələrlə məlumat yayıb.
Bundan başqa, bu ilin iyulundan 20-dən çox kiçik metallurgiya sexi fəaliyyətini dayandırıb. Onların sahibləri deyir ki, prosesin arxasında "Baku Steel Company" rəhbərliyi durur.
Qeyd edək ki, "Baku Steel Company" şirkəti məşhur iş adamı Paola Pərvizə məxsus olub. Sonradan şirkətin iş adamından alındığı bildirildi.
Murad Can