Ekologiya və Təbii Sərvətlər Nazirliyinə Lerik rayonunun Haran kəndi yaxınlığında meşə materialının daşındığı barədə məlumat daxil olub.

ETSN-dən Unikal.org-a verilən məlumata görə, nazirliyin yerli qurumlarının əməkdaşları tərəfindən 8 fevral 2020-ci il tarixində səhər saat 6 radələrində “Ural” markalı  43-BB-223 dövlət qeydiyyat nişanlı avtomobilin yük yerində qanunsuz yolla əldə edilmiş 3,5 m3 həcmində fısdıq cinsli işlik meşə materialı aşkar edilib. Daha sonra avtomobilin sahibi Aslan Cəbiyev barəsində akt tərtib olunub.

Hazırda faktla bağlı araşdırma aparılır.