Türkiyənin Yalova ərazisində yaşayan qadın evinin qapısının gecə saatlarında döyüldüyü barəsində  polisə şikayət  edib.  

Unikal.org xəbər verir ki, Meral Gülseven hər gecə  bu  hadisənin təkrarlandığını ifadəsində  bildirib. Həmçinin, Meral qeyd edib ki, şəxs bir müddət  əvvəl özünü  kuryer kimi tanıdaraq evə daxil olmaq istəyib. Daha sonra qadın küçədə şəxsin onu izlədiyini də görüb. 

Polis  bundan sonra əraziyə  müşahidə  kameraları  yerləşdirib.   Məlum olub ki, gecə saatlarında gənc oğlan qadının evinə gələrək qapısını  döyür. Hətta o,  pəncərəyə də  dırmaşaraq içəriyə  boylanır. Şəxsin bu hərəkəti  qadını  və  qonşularını narahat edib.  

Lakin  bu gündə  eyni hadisə təkrarlanıb.  Naməlum gənc 05:40 radələrində pəncərədən boylanaraq,  səs  salıb. Meral qışqıraraq qonşuya qaçıb.  Bu zaman gənc oğlan  ərazini  tərk edib. Anbaan kameralara əks olunan görüntülərdə naməlum şəxsin  hansı  məqsədlə bu hərəkəti  etdiyi şübhəli  qalır.  

Polis  şəxsin axtarışına başlayıb.