Rusiyalı turistlər bundan sonra müstəqil şəkildə İrana səfər etmək üçün viza müraciəti edə bilməyəcəklər.

"Unikal" xəbər verir ki, bu barədə Rusiya Turoperatorları Assosiasiyası İranın Moskvadakı səfirliyinə istinadən məlumat yayıb.

İndi turist vizasını yalnız Rusiya turoperatorlarının işləyəcəyi İran turizm agentlikləri vasitəsilə əldə etmək mümkün olacaq.

Səfirlik izah edib ki, bu cür tədbirlər Yaxın Şərqdə vəziyyətin gərginləşməsi ilə bağlıdır və “arzuolunmaz şəxslərin ölkəyə daxil olmasının qarşısını almaq” məqsədi daşıyır.