Türkiyəli müğənni Aleyna Tilki pərəstişkarı onun evini taparaq qapısının önünə getdiyi üçün şikayətçi olmuşdu.

"Unikal" Türkiyə mətbuatına istinadən xəbər verir ki, Muhammed Erkam Akman adlı şəxs polis tərəfindən nəzarətə alındıqdan sonra sərbəst buraxılıb.

Bu səbəbdən evini dəyişən müğənni Tvitter hesabında üsyan edib:

"Məni təhdid edən, rahatlıqla evimə girən adama cəza verin, ya da mənə silah verin. Evdə yatanda da cangüdənlə yata bilmərəm. Mənim də həyatım var. Evimə balta ilə gəlməklə hədələyən adam yeni evimi tapa bilmədiyi müddət sərbəst gəzəcək? İş mənə qaldı? Mənə qalıbsa, o balta ilə edə biləcəklərimi demək istəmirəm".