"Güzəştli mənzil sisteminin tətbiqinin əsas məqsədi mənzil almaq istəyənlərə şərait yaradılmasıdır".

"Unikal" xəbər verir ki, bunu Mənzil İnşaatı Dövlət Agentliyinin Beynəlxalq Əlaqələr və Strateji Planlaşdırma şöbəsinin müdiri Fərman Qurbanlı Dövlət Təhlükəsizlik Xidməti ilə birgə keçirilən brifinqində deyib.

Onun sözlərinə görə, sistemə müdaxilə nəticəsində güzəştli mənzillərin 60%-i qeyri-qanuni yolla satın alınıb: "Bir sıra şəxslər əvvəlcədən əlbir olaraq qrup şəkildə onlara müraciət etmiş güzəştli mənsiz sistemi istifadəçilərinə qeyri-qanuni olaraq mənzil əldə etmək üçün proqram sistemi yaradıblar. Bu proqram təminatı bərabər şəraitin yaradılmasına ziddir. Satışa çıxarılan mənzillərin 60 %-dən çoxu bu yolla satın alındığı üçün bütün nəticələr ləğv edilib".