Müxalif “Avropalı Demokratlar” partiyası Ukraynada müharibə başlayandan sonra rusların Gürcüstana kütləvi şəkildə daxil olması ilə əlaqədar Rusiya ilə viza rejiminin tətbiqini tələb edir.
"Unikal" xəbər verir ki, bu barədə "Newsgeorgia" saytı məlumat dərc edib.
Partiya lideri Nikoloz Vaşakidzenin sözlərinə görə, sürətlə inkişaf edən Rusiyadan Gürcüstana miqrasiya “ölkə rəhbərliyindən başqa, artıq hamını narahat edir”.
Vaşakidze qeyd edir ki, Gürcüstana Rusiyadan asanlıqla uyğunlaşan və möhkəmlənən aktiv, maddi zəngin təbəqə gəlir və Rusiya Federasiyasının hakimiyyət orqanlarının və onun xüsusi xidmət orqanlarının gec-tez bu prosesə necə müdaxilə edəcəyi məlum deyil.
Ukraynada müharibə başlayandan sonra Gürcüstana köçən rusların dəqiq sayı məlum deyil. Mayın əvvəlində müstəqil araşdırma şirkətləri Gürcüstana köçən rusların sayını 40 min nəfər hesab edirdilər.
Sayt qeyd edir ki, miqrant axını heterojendir, onların arasında təqiblərdən qorxan müxalifətçilər və fəallar, sadəcə olaraq Rusiya rəhbərliyinin siyasəti ilə razılaşmayanlar, hərbi çağırışdan yayınan gənclər və Rusiyanın “yaxınlaşacağından” qorxanlar var.
Gürcüstana gələnlər arasında çox böyük bir kateqoriya bütöv ofislərini təşkil edib Gürcüstana köçürən Qərb şirkətlərində işləyən İT mütəxəssisləridir.