Şəkidə 17 yaşlı yeniyetmə özündən 12 yaş böyük şəxsi bıçaqlayıb.

"Unikal" xəbər verir ki, hadisə bu gün axşam saatlarında Şəki şəhər ərazisində bsş verib.

Belə ki, Şəki şəhər sakinləri, 1994-cü il təvəllüdlü Xəyyam Elmar oğlu Adışirinov və 2006-cı il təvəllüdlü Yəhya Məmmədov arasında baş verən mübahisə nəticəsində 17 yaşlı Yəhya Məmmədov özündən 12 yaş böyük 29 yaşlı Xəyyam Adışirinova bıçaqla xəsarət yetirib. Yaralanan X. Adışirinov Şəki Rayon Mərkəzi Xəstəxanasına yerləşdirilib.

Daxili İşlər Nazirliyinin Mətbuat Xidmətinin Şəki regional qrupunundan bildirilib ki, hadisəni törədən  yeniyetmə polis əməkdaşları tərəfindən saxlanılıb. Mübahisənin hansı zəmində baş verməsi ilə bağlı rayon polis şöbəsində müvafiq araşdırmalar aparılır.

Seymur Əli