Türkiyə prezidenti Rəcəb Tayyib Ərdoğan, episentri Kahramanmaraş Pazarcık olan və 10 vilayətdə baş verən 7,7 bal gücündə zəlzələ ilə bağlı AFAD Başkanlığında açıqlama verib.
"Unikal" CNN Türk-ə istinadən xəbər verir ki, Türkiyə lideri zəlzələdə ölənlərin sayının artacağını istisna etməyib:
"Bu gecə saat 04:17-də baş verən 7,7 bal gücündə zəlzələ geniş ərazidə hiss olunub. AFAD və Kızılay kimi qurumlar vasitəsilə 9 min nəfərin axtarış-xilasetmə işləri davam edir. Zəlzələnin böyük dağıntılara səbəb olduğu vilayətlərimizdə çökmüş binaların altında qalan vətəndaşlarımızın aşkarlanması və xilasetmə işləri fasiləsiz olaraq davam edir. Zəlzələ bölgəsində bir çox binada dağıntıların çıxarılması işləri davam etdiyi üçün ölən və yaralananların sayının nə qədər artacağını bilmirik. Belə dövrlərdə nəqliyyatın və rabitənin sağlam idarə olunması vacibdir. Beynəlxalq yardım üçün ölkəmizlə əlaqələr qurulmağa başlanıb. NATO və Aİ ilə yanaşı 45 ölkədən də yardım təklifi almışıq. Ölkə və millət olaraq bu faciəli günləri birlik və bərabərliklə geridə qoyacağıq".
Gülayə Mecid
