Baltikyanı ölkələr (Latviya, Litva , Estoniya) heç vaxt post-sovet ölkələri olmayıb. 

"Unikal" xəbər verir ki, bunu Latviyanın xarici işlər naziri Edqars Rinkeviç deyib. 

O, Çin Xarici İşlər Nazirliyinin Pekinin SSRİ-nin dağılması nəticəsində yaranmış bütün ölkələrin statusuna hörmətlə yanaşması barədə bəyanatını şərh edib: "Latviya 1940-cı ildə Sovet İttifaqı tərəfindən qanunsuz olaraq işğal edilib. Dünya ictimaiyyəti heç vaxt sovet işğalını tanımayıb. Biz 1991-ci ildə müstəqilliyimizi bərpa etdik". 

Latviya Xarici İşlər Nazirliyinin rəhbəri həmçinin bildirib ki, ÇXR səfirliyinin müvəqqəti işlər vəkili ÇXR-in Fransadakı səfirinin bəyanatları ilə əlaqədar Latviya Xarici İşlər Nazirliyinə çağırılıb.

Ağarza Elçinoğlu