Qazaxıstanın Almatı vilayəti polis idarəsinin keçmiş rəisi Serik Kudebayev Türkiyədə saxlanılaraq Qazaxıstana aparılıb. 

"Unikal" xəbər verir ki, məlumatı Qazaxıstan Prezidenti Kasım-Jomart Tokayevin iştirakı ilə Qazaxıstan Xalqları Assambleyasının XXXII sessiyası çərçivəsində Qazaxıstan Respublikasının baş prokuroru Berik Asılov deyib. 

"Almatı vilayətinin Polis İdarəsinin keçmiş rəisi Kudebayev S.M. tutularaq müvəqqəti saxlama təcridxanasına yerləşdirilib. O, 2022-ci ilin yanvarında baş vermiş hadisələr zamanı vəzifə və səlahiyyətlərindən sui-istifadədə, işgəncələr verməkdə ittiham olunub", - deyə məlumatda bildirilib. 

Kudebayev məhkəmə prosesi zamanı barəsində seçilmiş həbs-qətimkan tədbirini pozaraq, məhkəmədən qaçıb. O, Qazaxıstanı tərk edərək Manas hava limanı vasitəsilə İstanbula uçmuşdu. 

Ağarza Elçinoğlu