İranda həbsdə olan Azərbaycan vətəndaşı ölkəmizə təhvil verilib.

"Unikal" xəbər verir ki, bu barədə “Tasnim” məlumat yayıb.

Qeyd edilib ki, İranda həbsdə olan Azərbaycan Respublikası vətəndaşı Validə Yusifova azad edilərək Astara sərhəd-keçid məntəqəsində Azərbaycan tərəfinə təhvil verilib.

Məlumata əsasən, Validə Yusifova iki il əvvəl Tehran İnqilab Məhkəməsinin 15-ci şöbəsinin qərarı ilə həbs edilib.