"Türkiyə Qafqazda sabitliyə və sülhə üstünlük verir və qardaş ölkə Azərbaycanı dəstəkləyir".
"Unikal" xəbər verir ki, bunu Türkiyənin müdafiə naziri Yaşar Gülər jurnalistlərə açıqlamasında deyib.
“Biz Qafqazda sabitliyə böyük əhəmiyyət veririk. Biz regionda davamlı sülhün bərqərar olması üçün mühüm səylər göstəririk və qardaş Azərbaycan xalqına “bir millət, iki dövlət” prinsipini dərk edərək dəstəyimizi davam etdiririk".
O, həmçinin bildirib ki, Türkiyə “bir çox bölgələrdə regional və qlobal sülhə” töhfə verməyə davam edəcək.
“Biz Qara Dəniz Taxıl Sazişinin yenilənməsi üçün konstruktiv səylərimizi davam etdiririk”, - o, Ukraynadan taxıl ixracına dair sazişə toxunaraq əlavə edib.
