Moskvanın Vnukovo hava limanından Almaniyaya tibbi təyyarə gedib.

"Unikal" xəbər verir ki, uçuş məlumatları Flightradar uçuş izləmə portalında dərc olunub .

Xidmətin məlumatına görə, Almaniyada qeydiyyatda olan Bombardier Learjet 60 biznes-jeti Moskva vaxtı ilə saat 13:00 radələrində paytaxt hava limanından havaya qalxıb.

Təyyarə havaya qalxdıqdan bir müddət sonra transponderi söndürüb, lakin sonra Flightradar xəritəsi təyyarənin Latviya hava məkanına necə daxil olduğunu göstərib .

Gəlmə nöqtəsi Almaniyanın Hannover şəhərinin hava limanıdır. Baltik dənizi üzərindən Almaniyaya uçan təyyarə uğurlu eniş edib. Xidmətdə təyyarədə kimin ola biləcəyi barədə heç bir məlumat yoxdur.

Tibbi təyyarələr adətən uçmaq üçün xüsusi icazə tələb edir. Məsələn, uçuş xəstəni müalicə üçün daşımaq lazım gəldikdə həyata keçirilirsə verilir.

Flightradar xidmətindən müxtəlif mülki uçuşların reyslərini  izləmək üçün müntəzəm olaraq istifadə olunur.