"Tibbi tullantıların effektiv idarə edilməsi tibb işçilərini, xəstələri və ətraf mühiti tibbi tullantılarla əlaqəli potensial təhlükələrdən qorumaq üçün vacibdir". 

"Unikal" xəbər verir ki, bunu Bakı Sağlamlıq Mərkəzinin İcraçı direktoru Dos.Dr. Asiman Həsənov Səhiyyə Nazirliyi Ekologiya və Təbii Sərvətlər nazirliklərinin birgə təşkilatçılığı ilə Bakı Sağlamlıq Mərkəzində tibbi tullantıların düzgün idarə olunmasına dair maarifləndirilmə tədbirində deyib.

Bakı Sağlamlıq Mərkəzinin İcraçı direktoru Dos. Dr. Asiman Həsənov çıxışında bu məsələ ilə bağlı silsilə atılan addımlardan bəhs etdib. Bakı Sağlamlıq Mərkəzində tibbi tullantıların idarə edilməsi ilə bağlı cari vəziyyət, qazanılmış təcrübə və bu yolda əldə olunan nəaliyyətlərdən nümunələr gətirərək çıxışına davam edib.

Vurğulayıb ki, çox profilli xəstəxanalarda infeksiyaya nəzarət vacib məqamlardan biridir. Mərkəz daxili infeksiyaya nəzarət işlərində kifayət qədər uğurlu nəticələnən sistem quraraq böyük yol qət etmişdir. 24.12.2019 tarixində tərəfimdən əmr hazırlanmış və müvafiq tapşırıqlar verilmişdir. Tapşırıqlarda tullantıların sinifləndirilməsi, tullantıların şöbələrdə toplanması, çeşidlənməsi, xəstəxana daxilindən xəstəxana xaricinə keçid mübailə məntəqəsinin yaradılması və xəstəxana binasından kənarda utilizasiya üçün adiyyatı təşkilatlara təhvil verilməsini təmin edən müvəqqəti saxlanma zonaları yaraılması qeyd olunmuşdu. Mərkəzdə “İnfeksiyaya Nəzarət Komitəsi” və tədbirlər planı yaradılaraq icra olunmağa başladı. Bugün tam əminliklə deyə bilərəmki, Bakı Sağlamlıq Mərkəzində tibbi tullantıların idarə olunması ilə bağlı bir sistem var. Bununla bağlı davamlı nəzarət, maarifləndirmə aparılır. Biz tullantıların idarə olunması ilə bağlı təlimatlarımızı Nazirlər Kabinetinin qərarına və beynəlxalq standartlara əsas tutaraq hazırlamışıq.