İsraillə HƏMAS arasında silahlı münaqişə başlayandan bəri Qəzza zolağı və İordan çayının qərb sahilində 30 mindən çox fələstinli İsrailin hərbi əməliyyatlarının qurbanı olub.

"Unikal" xəbər verir ki, bunu HƏMAS-ın lider üzvü Usamə Həmdan bildirib.

O, Qəzza zolağında ən azı 10 mini uşaq və 7 mini qadın olmaqla 29 722 nəfərin həlak olduğunu vurğulayıb. Həmdan əlavə edib ki, 58 mindən çox insan yaralanıb, ən azı 7 min nəfər itkin düşüb.

O qeyd edib ki, İordan çayının qərb sahilindəki Fələstin ərazilərində İsrail hərbçiləri ilə toqquşmaların qurbanlarının sayı 321-ə çatıb, ölənlərdən 111-i uşaqdır.