Yəmən husilərinin əsirlikdə ukraynalı dənizçiləri var.

"Unikal" xəbər verir ki, bu barədə ölkə prezidenti Volodimir Zelenski danışıb.

Zelenski Britaniyanın baş naziri Rişi Sunakla keçirdiyi mətbuat konfransında deyib: “Dörd dənizçimiz husilər tərəfindən əsir götürülüb və biz onların geri qayıtması üzərində işləyirik” .

Yanvarın 12-də məlum olub ki, ABŞ və Britaniya hərbi hava qüvvələri Yəməndə husilərin 16 hədəfinə  60-dan çox zərbə endirib .

Husilər tez cavab verəcəklərini vəd ediblər .

Yəməndə husilərə qarşı hücumlardan bir həftə əvvəl ABŞ və Böyük Britaniya qruplaşmaya Bab əl-Məndəb boğazından keçən gəmilərə hücumları dayandırmaq üçün ultimatum təqdim edib.

Yəmənə endirilən zərbələrə görə Rusiya BMT Təhlükəsizlik Şurasının iclasını tələb edib.