Almaniyada Federal Prezident Frank-Valter Ştaynmayer və Ukrayna lideri Volodimir Zelenski arasında görüş keçirilib.
"Unikal" xəbər verir ki, bu barədə Ukrayna prezidenti öz "Telegram" kanalında məlumat verib.
“Biz Ukraynanın təhlükəsizlik vəziyyətini və Rusiyanın Ukrayna enerjisinə hücumları və bütün cəbhə boyu aktiv döyüşlər fonunda mövcud ehtiyaclarımızı müzakirə etdik”, - deyə Zelenski yazıb.
O, həmçinin bildirib ki , Kiyevin İsveçrədə keçirilən “sülh sammiti”nin nəticələrindən gözləntiləri barədə danışıblar. Bundan əlavə, onlar Ukrayna və Almaniya şəhərləri və icmaları arasında tərəfdaşlıq münasibətlərini müzakirə ediblər.
