İngiltərənin “İpsviç” komandasının futbolçusu Aksel Tuanzebe kuryoz zədə alıb.

"Unikal" xarici mətbuata istinadən xəbər verir ki, 27 yaşlı müdafiəçi mətbəxdə qab yuyarkən əlini zədələyib. Belə ki, sınan stəkanın şüşəsi 27 yaşlı müdafiəçinin barmağını kəsib.

Tuanzebe buna görə Premyer Liqanın VII turunda “Vest Hem”lə keçirilmiş matçı buraxıb.

Komandanın baş məşqçisi Kiran Makkenna əməliyyat olunan oyunçunun 1,5 ay yaşıl meydanlardan uzaq qalacağını bildirib.