"“Sülh yollarının kəsişməsi” konsepsiyası Ermənistan, Ermənistanın qonşuları və dünya üçün pul qazanmağın bir yoludur". 

"Unikal" xəbər verir ki, bunu Ermənistanın iqtisadiyyat naziri Gevorq Papoyan deyib. 

Erməni nazir “Sülh yollarının kəsişməsi” layihəsinə istinad edərək qeyd edib ki, əvvəllər fəaliyyət göstərən istiqamətlərin obyektiv və ya subyektiv səbəblərdən bağlanması və ya bir hissəsinin artıq bağlanması kontekstində bu layihəyə ehtiyac var: "Bu, Çin məhsulunun hələ də Fransız supermarketində, Fransız məhsulunun isə Çin supermarketində görünməli olduğu yeni nəqliyyat marşrutudur. Mövcud çətin yollara asan alternativ təklif edirik". 

O, demək olar ki, hər kəsin bu planı müsbət qarşıladığını bildirib: "“Sülh yollarının kəsişməsi” Ermənistan və Azərbaycanın məsələsi deyil. Bir çox ölkələr bu addımı alqışlayıb və Azərbaycan və Türkiyə ilə müzakirələr davam edir. Biz həmişə sərhədlərimizin bağlı olmasına sevinmişik, hətta Ermənistanda sərhəd birdən açılsa, biz bitəcəyimiz barədə rəvayətlər yayılıb. Düzdür, biz qalada bağlı qalırıq, amma əslində sərhədi heç kimə bağlamamışıq. Digər ölkələr Ermənistanı iqtisadi cəhətdən zərərsizləşdirmək, problem yaratmaq üçün sərhədləri bağladılar. İqtisadiyyatımız o müharibəyə hazır deyildi. Sərhəd açıq olsaydı, iqtisadiyyatımız iki dəfə güclü olardı, uğurlu olardı. 

Biz indi deyirik ki, qonşularımızla heç bir problemimiz yoxdur, heç kimə qarşı ərazi iddiamız yoxdur və biz münasibətlərimizdə açıq sərhəd və ticarəti ehtiva edən yeni səhifə açmağa hazırıq". 

Ağarza Elçinoğlu