Məşhur kinorejissor Co Russo “Şeffild Yunayted” Çempionşip klubunun investoru olub.

"Unikal" fanat-a istinadən xəbər verir ki, bu barədə klubun mətbuat xidməti məlumat yayıb.

Xəbərə görə, onunla yanaşı, idarə heyətinin üzvləri siyahısına Len Komorski və Terri Ahern də əlavə edilib.

Co Russonun ən məşhur əsəri super qəhrəmanlardan bəhs edən “Qisasçılar” filmidir.

Komorski əvvəllər "Klivlend Kavalersi" basketbol klubunun direktoru vəzifəsində çalışıb. Ahern isə daşınmaz əmlakla məşğul olan sahibkardır.

Klub onların hansı şərtlər altında klubun səhmdarı olduqlarını açıqlamayıb.

Qeyd edək ki, "Şeffild Yunayted" Çempionşipdə 27 turdan sonra 55 xalla 2-ci pillədə qərarlaşıb və Premyer Liqaya yüksəlmək üçün iddiasını davam etdirir. Komanda liderdən cəmi 1 xal geri qalır.