Avropada anomal istilər davam edir.

"Unikal" xəbər verir ki, Fransada temperatur 44°C-yə çatıb və bu da sakinləri pəncərələrini folqa ilə örtməyə məcbur edib. Almaniyada svetoforlar istidən əriyir və yol səthləri çatlayır, polis isə sakinləri sərinlətmək üçün su şırnaqlarından istifadə edir. Müxtəlif ölkələr "iqlim sığınacaqları" açır və üzgüçülük hovuzlarına pulsuz giriş təmin edir. 26 ölkədə təcili xəbərdarlıqlar verilib, nəqliyyatın hərəkəti pozulub və uşaq baxçaları bağlanıb.

Fransada səlahiyyətlilər ümumi ölüm hallarının kəskin artdığını bildiriblər və isti dalğası səbəbindən təxminən 1000 ölüm hadisəsi qeydə alınıb.

İspaniya Səhiyyə İnstitutunun məlumatına görə, istidən və günvurma nəticəsində 327 ölüm hadisəsi qeydə alınıb.

İtaliyanın 17 böyük şəhərində qırmızı həyəcan siqnalı verildikdən sonra ölənlərin sayı artmaqda davam edir və onlarla ölüm hadisəsi qeydə alınıb.