Kişilər arasında futbol üzrə dünya çempionatları tarixində ilk dəfə olaraq eyni vaxtda doqquz Afrika millisi pley-off mərhələsinə vəsiqə qazanıb.
"Unikal" xəbər verir ki, DÇ-2026-da Əlcəzair, Kabo-Verde, Konqo Demokratik Respublikası, Misir, Qana, Kot-d'İvuar, Mərakeş, Seneqal və Cənubi Afrika Respublikası (CAR) qrup mərhələsini uğurla adlayaraq pley-offa yüksəlib.
Qrup mərhələsindən sonra mundialı tərk edən yeganə Afrika təmsilçisi Tunis olub. Komanda keçirdiyi üç oyunun hamısında məğlub olaraq xal qazana bilməyib və F qrupunda sonuncu - dördüncü yeri tutub.
Pley-offa yüksələn doqquz Afrika millisindən beşi tarixində ilk dəfə bu uğura imza atıb. Bunlar Konqo Demokratik Respublikası, Kot-d'İvuar, Cənubi Afrika Respublikası (CAR), Misir və Kabo-Verdedir.
