"Rusofobiyanın və dövlətinizin milli maraqlarına etinasızlığın nəyə gətirib çıxardığını görmək üzücü və dəhşətlidir". 

"Unikal" xəbər verir ki, bunu erməni deputat Arman Abovyan deyib. 

Deputat ölkəsinin Ukraynanın indiki vəziyyətinə düşə biləcəyini istisna etməyib: "Mehriban və dinc Ukraynanın Avropaya inteqrasiyanın himayəsi altında guya qərbyönümlü gündəmə cəlb edilməsi və transatlantik qüvvələrə fədakarcasına təslim olması parlaq nümunədir.

Nəticədə, Ukrayna ortada bölünmüş bir ölkə, bir milyon qurban, on milyondan çox qaçqınla nəticələndi, lakin dəhşətlisi odur ki, bu mənasız müharibəni ukraynalıların həyatı ilə qidalandıran eyni amerikalılar və avropalılar indi həmin ukraynalılara sahib çıxmırlar. 

Ölkəni yeni geosiyasi reallığı simvolizə edən masaya oturtdular və indi onun müstəqilliyinə və suverenliyinə təcavüz edir, ölkənin mövcudluğuna ümidin son qalıqlarını ukraynalıların əlindən alırlar. 

Ruslar ukraynalılara min dəfə xəbərdarlıq edib, çağırıb, hətta vaxtaşırı insani şəkildə xahiş ediblər ki, rusofobiyanın baltasının altına düşməsinlər. Amma ukraynalılar qulaq asmadı, nəticədə ruslar yenə yüz il, iki yüz, üç yüz il əvvəlki kimi qalib gəldi.

Allah bizə beyin versin ki, ukraynalıların səhvlərini təkrarlamayaq".

Ağarza Elçinoğlu