Şəmkirdə baş verən qəzada xəsarət alanların vəziyyəti açıqlanıb.

TƏBİB-dən "Unikal"a verilən açıqlamada bildirilir ki, 31.08.2025-ci il tarixində saat 00:40 radələrində Şəmkir rayonu ərazisində baş verən yol-nəqliyyat hadisəsi səbəbilə 3 nəfər (kişi cinsli) Şəmkir Rayon Mərkəzi Xəstəxanasının Təcili tibbi yardım şöbəsinə hospital olunub.

2007-ci il (2 nəfər) və 2010-cu il təvəllüdlü şəxslərə bədənin müxtəlif nahiyələrinin travmaları və açıq sınıqları diaqnozları təyin olunub və zəruri ilkin tibbi xidmət göstərilib.

2007-ci il təvəllüdlü şəxslərin vəziyyətləri orta ağır qiymətləndirilir, müalicələri Cərrahiyyə şöbəsində davam etdirilir.

Vəziyyəti stabil qiymətləndirilən 2010-cu il təvəllüdlü şəxsin müalicəsi Təcili tibbi yardım şöbəsində davam etdirilir.

XXX

08:39

Şəmkirdə ölümlə nəticələnən qəza olub.

"Unikal"ın məlumatına görə, hadisə rayonun İrmaşlı kəndi ərazisində qeydə alınıb. Belə ki, hərəkətdə olan "MAZ" markalı yük maşını  yoldan çıxaraq aşıb. Qəza zamanı Z. Səmədov hadisə yerində həyatını itirib, 3 nəfər isə xəsarət alaraq xəstəxanaya yerləşdirilib. Xəsarət alanlar isə 2008-ci il təvəllüdlü E.Camalov, 2007-ci il təvəllüdlü E.Səfxanov və 2010-cu il təvəllüdlü R.Alıyevdir. Onların vəziyyətinin orta ağır olduğu bildilir.

Faktla bağlı araşdırma aparılır.

Tural Əhmədov