Rusiya prezidenti Vladimir Putin Ermənistanın baş naziri Nikol Paşinyanla görüşündə deyib ki, onunla danışmaq fürsəti əldə etdiyinə görə şaddır, çünki həm ikitərəfli, həm də regional müzakirə üçün çoxlu məsələlər toplanıb.
"Unikal" xəbər verir ki, Putin görüşün əvvəlində deyib:
"Sizi görməyə və bugünkü və sabahkı hadisələrin kənarında danışmaq imkanı əldə etdiyimə görə çox şadam. Uzun müddətdir ki, bir-birimizi görmürük, ikitərəfli, regional, beynəlxalq miqyasda çoxlu məsələlər yığılıb. Ümid edirəm ki, sizinlə bugünkü görüşümüz. faydalı və mənalı olacaq. Sizi görməyə şadam".
Xatırladaq ki, Rusiya Federasiyası və Ermənistan liderləri Çində keçirilən ŞƏT sammiti çərçivəsində görüşüblər.
