Böyük Britaniyanın Qahirədəki səfirliyi Misir hakimiyyətinin mühafizəçiləri diplomatik missiyadan geri çəkməsindən sonra əsas binasının müvəqqəti bağlandığını elan edib.
"Unikal" xəbər verir ki, bu barədə səfirliyin "Facebook" səhifəsində paylaşım edilib.
"Bazar günü, avqustun 31-də Misir hakimiyyəti Böyük Britaniyanın Qahirədəki səfirliyinin əsas binasını mühafizə edən təhlükəsizlik qüvvələrini geri çəkmək qərarına gəlib. Bunu nəzərə alaraq, vəziyyət dəyişənə qədər səfirlik binasının bağlanması qərara alınıb", - paylaşımda deyilir.
Misir rəsmiləri hadisələrin gedişatını hələ şərh etməyiblər.
