Xaçmazda yol-nəqliyyat hadisəsi baş verib.

"Unikal"ın məlumatına görə, qəza şəhərin Ü.Hacıbəyov küçəsində qeydə alınıb.

Belə ki, "BMW" markalı minik avtomobili yolun kənarında dayanan "VAZ-2106-ya çırpılıb, daha sonra isə piyada İ.Umerovu vurub.

Nəticədə hər iki maşına ciddi zərər dəyib. Qəza zamanı xəsarət alan piyada xəstəxanaya aparılıb.

Zərbənin gücündən "VAZ-2106-nın yanındakı işıq dirəyi yararsız hala düşüb.

Hadisə ilə bağlı araşdırma aparılır.

Asiman Qaraca