"Ukraynada seçkilərə hazırlıq yoxdur, 2025-ci ilin mayında hərbi vəziyyətin ləğvini və seçkiləri elan etmək bir az çətindir".

"Unikal" xəbər verir ki, bunu Ukrayna Prezident Aparatı rəhbərinin müşaviri Mixaylo Podolyak yerli KİV-ə açıqlamasında deyib. 

"Seçkilərə hazırlıq yoxdur... Mayın 8-də və ya 9-da hərbi vəziyyətin ləğv ediləcəyini və seçkilərin 6 aydan sonra keçiriləcəyini söyləmək, yumşaq desək, bir qədər çətindir", - o vurğulayıb.

Bir gün əvvəl “Strana.ua” öz mənbələrinə istinadən xəbər verib ki, Ukrayna prezidentinin aparatı dövlət başçısı seçkilərinə hazırlığa başlayıb. Nəşr qeyd edir ki, Ukrayna hakimiyyəti may ayının əvvəlinə qədər atəşkəsin bağlanacağına tam əmin deyil, lakin bunu da istisna etmirlər.

Gülayə Mecid