"Biz heç bir ölkə ilə müharibə aparmırıq, amma özümüzü müdafiə etməkdən də çəkinmirik".
"Unikal" xəbər verir ki, bunu İran prezidenti Məsud Pezeşkian Səudiyyə Ərəbistanının vəliəhdi Məhəmməd bin Salman Al-Səud ilə telefon danışığında deyib.
"İran İslam Respublikası heç vaxt müharibə və ya münaqişə istəməyib və nüvə enerjisindən dinc olmayan məqsədlərlə istifadə edilməsinə bizim təhlükəsizlik və müdafiə doktrinamızda yer yoxdur. İran qarşılıqlı maraqlara və hörmətə əsaslanaraq bəzi gərginliyi həll etmək üçün anlaşma və danışıqlara hazırdır. Biz heç bir ölkə ilə müharibə aparmırıq, lakin özümüzü müdafiə etməkdən çəkinmirik və bununla bağlı hazırlığımız və imkanlarımız ən yüksək səviyyədədir", - deyə Pezeşkian qeyd edib.
