Ukrayna prezidenti Volodimir Zelenski ABŞ prezidenti Donald Trampla telefon danışığı aparıb.

"Unikal" xəbər verir ki, bu barədə Zelenski "Telegram" kanalında bildirib.  O, Trampla dialoqu konstruktiv adlandırıb və əsas mövzunun davamlı sülhə nail olmaq olduğunu vurğulayıb.

"Prezident Trampla məhsuldar söhbət keçirib. Əsas odur ki, müharibəyə son qoyulsun. Biz ABŞ prezidentinə vicdanlı və davamlı sülh üçün göstərdiyi bütün səylərə görə minnətdarıq", - deyə Ukrayna lideri qeyd edib.

Digər məsələlərlə yanaşı, tərəflər müdafiə sahəsində əməkdaşlığın perspektivlərini müzakirə ediblər. Zelenski bildirib ki, Kiyev pilotsuz sistemlərlə bağlı saziş layihəsi hazırlayıb və onun ətraflı müzakirəsinə ümid edir. Onun sözlərinə görə, bu sənəd Ukrayna ilə ABŞ arasında ən mühüm sövdələşmələrdən birinə çevrilə bilər.

Söhbət zamanı Rusiyaya qarşı sanksiya siyasəti mövzusuna da toxunulub. Zelenski bu sahədə NATO müttəfiqləri ilə sıx əməkdaşlığın davam etdiriləcəyinə ümid etdiyini bildirib.